唱歌，係我生命中不可或缺o既事。 四歲加入合唱團，
由初級唱到中級，
由合唱唱到獨唱，
扮過小豬、扮過蝴蝶，
直到十歲左右。 四歲左右，
爸爸買左一台Karaoke唱機，
逢星期六學完畫畫回家，
一定聽到娘親唱緊Karaoke。
張學友o既歌永遠係大熱，
LD 好似隻隻都係飛圖。
我都唔執輸唱埋一份。 從此之後，
係屋企唱Karaoke成為我另一個嗜好。 中二校內歌唱比賽，
第一次參加歌唱比賽，
參賽歌係容祖兒o既<<這分鐘更愛你>>，
第一次嚐到攞冠軍o既感覺。 中三校內歌唱比賽，
第二次參加歌唱比賽，
參賽歌係容祖兒o既<<痛愛>>，
第二次嚐到攞冠軍o既感覺。 中四校內歌唱比賽，
第三次參加歌唱比賽，
參賽歌係彭羚o既<<今生不再>>。 當一個人不斷勝利時，
同一時間會害怕失去o既感覺。
第一次嚐到失落o既感覺。
原因原在於我問題，
而係學校o既九流音響! 中五校內歌唱比賽，
第四次參加歌唱比賽，
參賽歌係我偶像孫燕姿o既<<我不難過>>。 初賽時，
每人只可以有30秒曬歌時間，
我都未唱完就要停。
對流行曲一無所知o既老師，
都唔知我唱嘜!
第二次嚐到失落o既感覺。 中五重讀，
我係一間校風好o既私校讀書，
一分錢一分貨，
演出o既地方由學校o既九流禮堂，
變為大會堂。 中五重讀校內歌唱比賽，
第六次參加歌唱比賽，(第五次不值一提，因為無咩引象喇!)
參賽歌係楊千嬅o既<<飛女正傳>>。 果一年o既對手真係好強，
個個都唱得好好聽，
我仲要走左兩個音，
俾個死人friend笑左成年，
當我唔expect自己有獎攞o既時候，
連英文補習老師June Leung話唱得好好都唔信。 我無啦啦攞左亞軍，
開心到癡Q左線! 中六校內歌唱比賽，
第七次參加歌唱比賽
參賽歌係容祖兒o既<<心淡>>。 到依家，
我都覺得自己當日唱得好好。
第四次嚐到失落o既感覺。
但當我回頭諗番，
我好感激我當日係輸，
因為某個原因，
果個比賽，我實在蠃唔起。
只怪我天真想做公主....... 中七校內歌唱比賽，
果次o既歌唱比賽，
係我最自在o既一年，
我選擇做觀眾。
原來EO2一d都唔九流，
同中六歌唱比賽o既Solar爆炸力有得揮!
仲有個F.4 o既女生，
唱We Belong Together，
一邊趴係地下唱，
一邊除鞋，除物，
真係後生可謂! 一個人o既才華係咪一定雖要用獎去証明呢?
我好記得，
每一次我參加歌唱比賽前，
我都好緊張好憂慮，
因為曾經冠軍過，
下一次就只望自己有同一待遇。
十幾歲o既我，
又點知原來比賽只係証明自己才華o既其中一個行徑呢? 林夕一書<<原來你非不快樂>>，
提到星雲大師一書<<老二哲學>>，
重點想講做老二比做第一還好!
當一個人處最高點時，
一邊為自己o既成功感到驕傲，
一邊為高處不勝寒感到憂慮。
萬一失足，
人家就會話你退步，
成為老一，
唔一定係開心。 長大lu，
什麼歌唱比賽，
我都無興趣。
反而隨心去哼去唱，
更加開心!
毋須再為比賽而緊張、憂心。
誰說比賽係公平? | 
